Drekin tók Tistil

Tað eru av fagrastu róðrarlíkindum á Skálafjørðinum, har kappróðurin, sum annar skuldi havt verið á Fjarðastevnu í Kollafirði, er í dag.

Fyrireikingarnar eru í toppi. Tveir innleiðandi róðrar hava verið í barnaróðrinum millum gentur og tveir innleiðandi róðrar í barnaróðrinum millum dreingir.

Finaluróðurin í kappingini millum genturnar í barnaróðrinum hevur verið. Á Skála fyri einari viku síðani var tað Tistil av Tvøroyri, sum vann, meðan Drekin hjá Havnar Róðrarfelag var næstfyrstur.

Í dag var tað Drekin hjá Havnar Róðrarfelag, sum var fyrstur á mál. Tað var í stórari kapping við Tistil.

Á Skála var Junkarin nummar trý, Ingibjørg nummar fýra og Blikur nummar fim. Í dag var Ingibjørg hjá Havnar Róðrarfelag nummar trý og Sævarmoy hjá Klaksvíkar Róðrarfelag nummar fýra.