Í Íslandi eru tey stolt, hóast íslendska manslandsliðið í hondbólti ikki sleppur við OL-endaspælið í París.
Men í Íslandi er tey sera stolt av, at heili tríggir íslendskir venjarar skulu við liðum sínum til OL-endaspælið.
Tað hevur leingi verið greitt, at Þórir Hergeirsson og norska kvinnulandsliðið skulu kappast í OL-endaspælinum, men hetta vikuskiftið løgdust tveir íslendskir venjarar aftrat, ið skulu við landsliðum sínum til OL-endaspælið at kappast.
Dagur Sigurðsson og Alfreð Gíslason skulu nevnliga við landsliðum sínum til OL-endaspælið.
Tað eydnaðist Degi Sigurðssyni og Kroatia at vinna OL-undankappingarbólk 2 í Hannover í Týsklandi frammanfyri Alfreð Gíslasyni og Týsklandi.
Her eru úrslitini í OL-undankappingarbólki 2, har góðu vinirnir hjá føroyska manslandsliðnum, Eysturríki blivu ov stuttir.
14. mars:
Týskland – Algeria 41:29 (16:13).
Kroatia – Eysturríki 35:29 (16:16).
16. mars:
Týskaland – Kroatia 30:33 (10:16).
Algeria – Eysturríki 26:41 (13:20).
17. mars:
Eysturríki – Týskland 31:34 (15:18).
Kroatia – Algeria 34:22 (15:11).
Endaliga støðan:
| Kroatia* | 3 | 3 | 0 | 0 | 102:81 | 6 |
| Týskland* | 3 | 2 | 0 | 1 | 105:93 | 4 |
| Eysturríki | 3 | 1 | 0 | 2 | 101:95 | 2 |
| Algeria | 3 | 0 | 0 | 3 | 77:116 | 0 |
