Í fyrstu FM kappingini í ár kløkkaði Sølmundur, tá ið hann á fjarðastevnu á Skála við rimmar endaspurti tók Jarnbard og vann.
Á fjarðastevnu í heimasjógvi hjá Sølmundi fyri stórari viku síðani var Jarnbardur fremstur, og aftur í dag vann Jarnbardur tryggan sigur. Tí er einki at ivast í, at Jarnbardur nú má roknast at vera favorittur at vinna FM enn einaferð.
Sølmundur legði bragdliga fyri og var fremstur í startspurtinum. Men Sølmundur megnaði ikki leingi at halda Jarnbard aftanfyri seg.
Startspurturin var ikki meiri enn av, tá ið guli Sølmundur og blái Jarnbardur lógu stavn um stavn, og so tók Jarnbardur seg støðugt frá Sølmundi, meðan Víkingur misti meiri enn eina bátslongd og meiri enn tað sammett við Sølmund.
Tá ið málið var hálvrógvi, var munurin millum tveir teir fremstu bátarnar ein bátslongd, og soleiðis var tað fram ímóti málinum. Jarnbardur hevði hug at draga frá, men Sølmundur helt tørn, og á málinun var munurin millum tveir teir fremstu bátarnar nett ein bátslongd.
1 | Jarnbardur | 05:11.43 | 7 | 0 | 0 |
2 | Sølmundur (NSÍ) | 05:14.18 | 6 | 0 | 0 |
3 | Víkingur | 05:19.19 | 5 | 0 | 0 |
4 | Tvørabáturin | 05:50.33 | 4 | 0 | 0 |