– Vit mæla frá allari koyring fram til áleið kl. 09.00/10.00 í dag.
Soleiðis skrivar løgreglan í fráboðan í morgun.
Tað eru sera vánalig koyrilíkindi um alt landið.
Nógvar fráboðanir eru um skaðar í nógva vindinum, sum hevur verið í gjárkvøldið, í nátt og í morgun.
Síðani í gjárkvøldið er komnar út við 100 fráboðanir til løgregluna um skaðar.
Serliga ringt hevur veðrið verið í Leirvík, í Gøtu og í Klaksvík, men ongar fráboðanir eru um fólkaskaðar.
Vindurin hevur verið upp í 59 metrar um sekundið, og ringast hevur veðrið verið seinastu tímarnar í morgun.
Streymurin fór um alt meginøkið í gjárkvøldið. Hann kom aftur á midnátt, men fleir streymslit hava síðani verið.