Vit fara at hava trý norðurlond at heppa á til OL-endaspælið í manshondbólti í summar.
Tað hevur verið greitt leingi, at Danmark og Svøríki fara at taka lut í endaspælinum, og nú er greitt, at Noreg eisini fara at kappast í olympiska endaspælinum.
Í undankappingarbólki 3 vann Noreg leygarkvøldið 29-25 (16-13) á ungarsku vertunum. Samstundis vann Portugal 37-29 (18-12) á Tunesia.
Hóskvøldið vann Noreg 32-29 (18-13) á Portugal. Tá vann Ungarn 33-24 (17-10) á Tunesia.
Noreg hevur sostatt vunnið undanbólk 3. Noreg hevur fýra stig, Ungarn hevur tvey stig, Portugal hevur tvey stig, og aftast er Tunesia við ongum stigi.
Klokkan 20 í kvøld spæla Ungarn og Portugal um hvør skal fylgja Noreg til OL í París. Tunesia og Noreg spæla klokkan 17.30, har ikki tað stóra er at spæla fyri.
Noreg-Ungarn 29-25 (16-13)
Toppskjúttar Noreg: Tobias Grøndahl 8, Alexandre Christoffersen 7, Kristian Bjørnsen 4, Magnus Gullerud 3.
Toppskjúttar Ungarn: Bence Imre 3, Gergo Fazekas 3, Bendeguz Boka 3, Richard Bodo 3.
Portugal-Tunesia 37-29 (18-12)
Toppskjúttar Portugal: Luis Frade 6, Alexandre Cavalcanti 4, Joaquim Nazare 4,
Toppskjúttar Tunesia: Issam Rzig 4, Achraf Margheli 4, Anouar Ben Abdallah 4,
------------------------------------------------
Noreg - Portugal 32-29 (18-13)
Toppskjúttar Noreg: Simen Ulstad 6, Sander Sagosen 6, Alexandre Christoffersen 5.
Toppskjúttar Portugal: Luis Frade 8, Martim Costa 5, Francisco Costa 5.
Ungarn-Tunesia 33-24 (17-10)
Toppskjúttar Ungarn: Mate Lekai 6, Bence Imre 4, Bendeguz Boka 4, Richard Bodo 4.
Toppskjúttar Tunesia: Issam Rzig 4, Mohamed Aziz 4, Anouar Ben Abdallah 4.
