Hósdagin fór eitt tok av sporinum nærindis býnum, Simferopol á Krim-hálvoynni.
Tokið blokeraði fyri flutningi til einastu jarnbreyt inn til havnina í Sevastopol, har Russland hevur sína herflotastøð í Svartahavinum.
Bretska verjumálaráðið sigur, at hendingin, sum Russland heldur kom "uttanífrá", órógvar vápnaveitingar og veitingar av lóðuri til svartahavsflotan og kríggið í Ukraina.
- Ein og hvør háttur fyri herverki í hesum viðkvæma øki, økir óttan í Kreml og ger teirra evni at verja undirstøðukervið á Krim trupul, sigur verjumálaráðið í sínari dagføring.
Krim-hálvoyggin, sum Russland ólógliga tók frá Ukraina í 2014, hevur stóran hernaðarligan týdning og symbolskt virði.
Samstundis, sum oyggin hýsir russiska svartahavsflotanum, virkar Krim eisini sum veitingargoymsla fyri herdeildirnar á hermótinum á fastlandinum.