SMS: Kyndil vann á Stjørnuni og StÍF vann á VÍF

Tveir dystir í SMS-deildini byrjaðu tíðliga seinnapartin í dag. 

Í høllini á Hálsi í Havn vunnu kyndilskvinnur 32-28 á Stjørnuni. Í steðginum var Kyndil tepurt á odda 16-15.

Kyndil helt leiðsluna allan seinna hálvleik. Tað nærmasta Stjørnan var við støðurnar 19-18 og 26-24.

Toppskjútti hjá Kyndli var sum ikki einaferð, Turið Arge Samuelsen. Hesaferð skoraði Turið 11 mál. Toppskjútti hjá Stjørnuni var Durita Ljósstein Johansen við sjey málum.

Í høllini á Skála vann StÍF 35-30 á VÍF. Í steðginum vóru strandakvinnur á odda 20-16.

Toppskjútti hjá StÍF var Marita Magnadóttir við 12 málum. Fríða Nolsøe Olsen skoraði 10 mál fyri VÍF.

Klokkan 15 byrjaði dysturin í Vágshøll millum VB og H71, og somu klokkutíð byrjaði dysturin millum EB og Neistan í høllini á Eiði.

HER er dómaraseðilin hjá HSF frá dystinum Kyndil-Stjørnan 32-28 (16-15):

##med2##

HER er dómaraseðilin hjá HSF frá dystinum StÍF-VÍF 35-30 (20-16):

##med3##