Fyrsta sigurin í kappróðrinum á norðoyastevnu, sum varð útsettur fyri knøppum tveimum mánaðum síðani, vann Tistil hjá Froðbiar Sóknar Róðrarfelag.
Tistil vann fyrstu FM kappinga, sum var á fjarðastevnu á Skálafjørðinum. Síðani hevur Tistil verið tríggjar ferðir nummar trý og einaferð nummar tvey. Tað var á varmakeldu fyri tveimum vikum síðani.
Sigurin í dag var lutfalsliga greiður, tí Tistil kom á mál tvey sekund ella eina lítla bátslongd frammanfyri Drekan. Havnar Róðrarfelag eigur Drekan, og Havnar Róðrarfelag eigur eisini teir báðar bátarnar, sum vóru nummar trý og fýra – Ingibjørg og Sílið.
Í Miðvági fyri einari viku síðani var Sævarmoy hjá Klaksvíkar Róðrarfelag fremst. Í dag endaði Sævarmoy á sætta plássi. Frammanfyri hana var Svalan úr Vestmanna.
1 | Tistil | 03:06.30 | 7 | 0 | 0 |
2 | Drekin | 03:08.30 | 6 | 0 | 0 |
3 | Ingibjørg | 03:09.20 | 5 | 0 | 0 |
4 | Sílið | 03:10.01 | 4 | 0 | 0 |
5 | Svalan | 03:15.32 | 3 | 0 | 0 |
6 | Sævarmoy | 03:16.13 | 2 | 0 | 0 |
7 | Leikalind | 03:18.31 | 1 | 0 | 0 |
8 | Spógvin | 03:21.17 | 0 | 0 | 0 |
9 | Blikur | 03:24.11 | 0 | 0 | 0 |
10 | Súlan | 03:25.01 | 0 | 0 | 0 |