Føroyska kvinnulandsliðið avrikaði væl í tí fyrsta EM-undankappingardystinum á einum torførum útivølli móti Grikkalandi úti á Kreta.
Føroysku kvinnurnar taptu upp á eitt brotssparksmál, ið var dømt ímóti Biritu Ryan tá 10 minuttir vóru farnir av seinna hálvleiki.
Veatriki Sarri umsetti brotssparkið til mál, og tað gjørdist munurin á máltalvuni tá dysturin var liðugur.
Birita Ryan var als ikki samd við dómaranum um, at talan var um brotsspark.
Havast skal í huga aftaná tepra 1-0 sigurin hjá Grikkalandi, at miðaloddsini hjá altjóða veddingarfyritøkum upp á føroyskan sigur vóru heili 20,00. Miðaloddsini upp á grikskan sigur vóru bara 1,08.
HER ber til at síggja støðuna sum førdi til brotssparkið, og sigursmálið hjá Grikkalandi:
##med2##
Komandi týsdag klokkan 15.30 spæla føroysku kvinnurnar aftur dyst á útivølli í EM-undankappingarbólki 3 í deild C. Hesaferð verður Montenegro mótstøðuliðið.
