Endamálið er ikki at spreiða politiska propaganda, tá dømdi hópdrápsmaðurin Anders Behring Breivik, sum hevur broytt navn til Fjotolf Hansen, og advokatur hansara komandi tíðina leggja sínar grundgevingar fram í kærumáli í Borgarting Lagmannsrett í Noregi.
Tað sigur Øystein Storrvik, sum er verji hjá Breivik, undir fyrsta rættardegnum, skrivar tíðindastovan NTB.
- Staturin hevur ført fram, at hetta er ein verkætlan at spreiða politiska propaganda. Eg meti, at hetta er ein púra ósakligur pástandur, tí eingin ætlan er um nakað tílíkt frá okkara síðu, og tað var heldur ikki í landsrættinum, sigur hann.
Rætturin skal taka støðu til, um mannarættindini hjá Breivik verða brotin í fongslinum orsakað av teimum umstøðum, hann situr undir.
Málið er reist av Anders Breivik móti norska statinum.
Í februar tapti Breivik rættarmál móti norska statinum í landsrættinum - sum svarar til ein landsrætt í okkara rættarskipan - um sama mál.
Hann kærdi síðani avgerðina.
Norðmaðurin varð í 2012 dømdur 21 ára fongsul fyri at hava dripið 77 fólk í tveimum álopum í Oslo og á norsku oynni Utøya í juli 2011.
/Ritzau/
