Føroyski landsliðsmálverjin, Annika Fríðheim Petersen og liðfelagarnir í Follo spældu í kvøld dyst í norsku steypakappingini.
Dysturin var á útivølli móti Sarpsborg, ið spælir í næstbestu norsku hondbóltsdeildini.
Follo vann stórsigur 32-18. Í steðginum var Follo á odda 15-11.
Sigurin merkir, at Follo hevur vunnið seg í áttandapartsfinalurnar í steypakappingini.
Næsti dystur hjá Follo verður á útivølli móti Storhamar í bestu deildini. Dysturin verður leiktur mikukvøldið 20. september.
