Burn: VÍF vann grannauppgerðina í Kollafirði

Ein dystur var í kvøld leiktur í Burn mansdeildini.

Í høllini í Kollafirði eydnaðist tað VÍF at vinna 27-22 á KÍF. Í steðginum var VÍF á odda 13-11. Tá 38 minuttir vóru leiktir var støðan javnleikur 15-15. Fýra minuttir seinni var VÍF á odda 19-15. Tá 12 minuttir vóru eftir av dystinum minkaði KÍF til støðuna 19-20. Løtu seinni hevði VÍF økt til 23-19, og eftir tað sleptu vestmenningar ikki takið á dystinum.

Mikkel Vinther og Fríði Weyhe vóru toppskjúttar hjá KÍF við seks málum hvør. Tróndur Johnson var toppskjútti hjá VÍF við sjey málum.

Í morgin klokkan 16 vera tveir dystir á skránni í Burn mansdeildini. Í Hoyvíkshøllini tekur H71 móti StÍF, og í høllini á Hálsi tekur Kyndil móti Team Klaksvík. 

HER ber til at síggja dómaraseðilin frá HSF:

##med2##