Landsliðsmálverjin, Pauli Jacobsen og liðfelagarnir í HØJ hava nú vunnið 15 av 15 møguligum dystum í næstbestu donsku hondbóltsdeildini hetta kappingarárið.
Í kvøld vann HØJ 29-23 á triðfremsta liðnum, Skive á útivølli. Í steðginum var HØJ á odda 16-13.
HØJ er langt fremst í deildini við 30 stigum. Teir eru sjey stig frammanfyri liðið hjá Teis Horn Rasmussen og Peter Krogh, HC Aarhus, ið saman við Skive hevur 23 stig. Málmunurin hjá HØJ er pluss 89.
HØJ hevur nú ein vetrarsteðg. Teir spæla dyst aftur 4. februar.
##med2##
