Í dag spældu landsliðsleikarin, Meinhard E. Olsen og liðfelagarnir í Mjøndalen fyrra uppflytingardystin um rættin at spæla í næstbestu norsku fótbóltsdeildini komandi kappingarár.
Á heimavølli á Consto Arena leikvøllinum tók Mjøndalen móti Jerv.
Dysturin endaði við 2-1 sigri til Mjøndalen.
Jerv legði seg á odda 1-0 í 31. minutti. Tá 13 minuttir vóru eftir av vanligu leiktíðini javnaði Mathias Bringaker til 1-1, og fimm minuttir inni í tíðini dómarin hevði lagt aftrat gjørdist Joachim Solberg stóra hetjan hjá Mjøndalen, tá hann skoraði sigursmálið til 2-1.
Meinhard var skiftur út stutt áðrenn vanliga leiktíðin var farin.
Returdysturin móti Jerv verður spældur í Grimstad komandi leygardag klokkan 16.
