Seinnapartin spældu Hillerød og Fredericia dyst í næstbestu donsku fótbóltsdeildini.
Daniel Johansen og Adrian R. Justinussen vóru við frá dystarbyrjan, tá Hillerød á heimavølli tapti 1-2 fyri Esbjerg.
Esbjerg skoraði bæði málini fyrstu 26 minuttirnar av dystinum. Beint áðrenn leiklok minkaði Marinus Due Grandt um munin til 1-2.
Hillerød er nummar átta í deildini við 21 stigum.
Hillerød spælir seinasta dystin undan vetrarsteðginum á útivølli móti HB Køge, mánakvøldið 2. desember.
Mattias H. Lamhauge mátti enn eina ferð síggja Valdemar Birksø verja málið hjá Fredericia, tá Fredericia á heimavølli vann 1-0 (0-0) á Kolding.
Fredericia er næstfremst i deildini við 34 stigum.
Komandi leygardag spælir Fredericia seinasta dystin undan vetrarsteðginum. Dysturin verður móti Roskilde, ið hevur Hørð H. Askham uttanfyri við skaða.
