Um 10 tíðina gjáramorgunin fekk løgreglan í Havn boð um, at hundar høvdu lagt á seyð.
Talan var um tríggjar ær, sum høvdu fingið so mikið nógvan skaða, at tær máttu avlívast. Og tá høvdu somu hundar longu dripið tann fjórða seyðin.
Løtu seinni fekk løgreglan fráboðan um, at somu hundar høvdu bitið fýra gæs so illa, at tær máttu avlívast.
Løgreglan fann fram til eigaran, sum er skuldsettur fyri brot á hundalógina.
Hann fær eina bót upp á 1.200 krónur og endurgjaldskrav frá teimum, sum áttu seyðin og gæsnar.
