Í kvøld, mikukvøldið klokkan 20 hevur Siloakórið jólakonsert í Siloa í Fuglafirði.
Eyðun á Lakjuni stjórnar Siloakórinum, og á skránni eru bæði gamlir og nýggir jólasangir við góðum og fjølbroyttum útsetingum – og frálíkum solorøddum og undirspæli.
Marjun Wolles, Maria á Lakjuni og Bárður á Lakjuni fara eisini at framføra á konsertini í kvøld.
Aftaná verður ein drekkamuður at fáa - har øll eru hjartaliga vælkomin, boða fyrireikararnir frá.
