Umframt at vera lærari var Frits eisini fjøllistamaður. Hann málaði, dugdi væl at skriva og yrkja, hevði lættan og góðan penn – og so var tað eisini tónleikurin og sangurin, sum lá honum á hjarta. Frits var ein dýrgripur fyri mentanarlívið í Fuglafirði og týdningurin hann hevði fyri Fuglafjarðar Gentukór kann ikki undirmetast.
Frits Johannesen varð føddur í Fuglafirði 22. mai í 1944 og var soleiðis 79 ára gamal, nú hann brádliga andaðist.
Frits var giftur við Alexandru og áttu tey synirnar Theodor Erling og Jóhan.
