Í kvøld spældu landsliðsmálverjin, Aleksandar "Sasja" Lacok og liðfelagarnir í Lugi seinasta dystin í hesum árinum.
Í heimadysti í næstbestu svensku hondbóltsdeildini frammanfyri 2.043 áskoðurum tapti Lugi greitt 26-33 fyri Vinslöf.
Stórur partur av skaðanum hendi í fyrra hálvleiki. Í steðginum var Vinslöfs á odda 18-10.
Lugi er nummar níggju í deildini við 13 stigum. Teir eru seks omanfyri tvey tey aftastu liðini, ið eru á plássunum sum merkja beinleiðis niðurflyting til triðbestu deildina.
Komandi dystur hjá Lugi verður á útivølli móti Drott. Hann verður leiktur mánakvøldið 13. januar.
