ST veit í dag at siga, at næstan 800.000 fólk eru flýdd er býnum Rafah har suðuri í Gazageiranum, síðan ísraelski herurin av álvara leyp á býin.
- Í dag eru harðir bardagar og áhaldandi bumbing av Rafah, skrivar Philippe Lazzarini, leiðari fyri ST-felagsskapin fyri palestinsk flóttafólk.
Í styttari útgávu av navninum kallast felagsskapurin UNRWA.
- Næstan helmingurin av fólkinum í Rafah - ella umleið 800.000 fólk - eru tvungin at rýma úr býnum undan hørðu ísraelsku álopunum.
Tað skrivar Philippe Lazzarini á X, fyrrverandi Twitter, í dag, og tað er leiðarin fyri UNRWA, sum er á myndini omanfyri.
Í Rafah búðu ikki nær til so nógv fólk fyri kríggið, men ein stórur partur av íbúgvunum hava leitað sær higar undan ísraelsku álopunum aðrastaðni í Gazageiranum.
Rafah liggur nær markinum til Egyptalands, og fleiri av heimsins londum heittu á Ísrael um ikki at senda sínar herdeildir inn í býin.
Ísrael sigur, at býurin er seinasti skansin hjá Hamas, og ísraelska stjórnin vil niðurberja Hamas, so felagsskapurin ikki verður ein hóttan móti Ísrael aftur.
##med2##
