Sólin skínur, ongin vindur og tað er turt á degi tvey á Summar Festivalinum. Fólk ganga úti í T-shirt og gleða seg til konsertirnar fara í gongd.
Klokkan 19:00 verður fyrsta konsertin í kvøld. Tað verður Anna Lovisa, sum tann fyrsta av 10 bólkum og einstaklingum, skal framføra á Summar Festivalinum í dag.
Løtan flest gleða seg til tá Europe fer á pall klokkan 22:00 nærkast. Rockbólkurin, sum flest minnast frá 80`unum við hittum sum The Final Countdown, Carrie og Rock The Night, er enn aktuellur og hevur omanfyri 7 milliónir mánaðarligar lurtarar á stroymingartænastuni Spotify.
Sambært álítandi veðurstovuni Yr.no fer frálíka veðrið at halda sær líka til seinnapartin í morgin
##med2##