Stutt eftir, at hann var innsettur sum amerikanskur forseti, var Donald Trump harður í sínum atfinningum at russiska forsetanum, Vladimir Putin.
Donald Trump heldur, at russiski forsetin átti at gjørt eina friðaravtalu við Ukraina, veit tíðindastovan AFP at siga í morgun.
- Hann eigur at gera eina avtalu. Eg haldi, at hann oyðileggur Russland við ikki at gera eina avtalu, segði Donald Trump við tíðindafólk, tá hann kom í Hvítu Húsini eftir innsetanina.
Donald Trump segði í fjør, at kríggið millum Russland og Ukraina "rópar" eftir at verða av avklárað, og hann segði seg vilja tosa við bæði londini fyri at umgangast ein triðja heimsbardaga.
Í gjár ynskti russiski forsetin, Vladimir Putin, Donaldi Trump tillukku við innsetanini sum forseti.
Á einum fundi í russiska trygdarráðnum í gjár segði Putin seg vera opnan fyri samrøðum við Trump-umsitingina. Hann segði seg eisini vóna, at tað verður ein "varandi friður" undir forsetaskeiðnum hjá Donaldi Trump.
- Nú ræður um at loysa sjálva støðuna, og málið eigur ikki at vera ein stuttfreistað vápnahvíld, men ein varandi friður, sum byggir á virðing fyri øllum lógligum áhugamálum hjá fólkinum, segði Vladimir Putin.
Russiski forsetin legði aftrat, at sjálvandi fer Russland at stríðast fyri áhugamálunum hjá russiska fólkinum.
