USA hevur lovað Ukraina 250 milliónir dollarar - ella slakar 1,7 milliardir krónur í okkara peningi - í hernaðarhjálp.
Tað veit tíðindastovan AFP at siga í dag.
Lyftið um hesar pengar varð givið í morgun á einum toppfundi millum 50 verjumálaráðharrar.
Toppfundurin var á Ramstein-herstøðini í Týsklandi.
Grundarlagið undir stuðlinum, sum USA nú letur, er hernaðarligu átøkini hjá Russlandi móti ukrainska fólkinum seinastu tíðina.
