Norðurlendskur stórfundur var í EM-millumbólki 2 í kvøld.
Í Wien eydnaðist tað Noregi at vinna 27-24 á Danmark. Noreg var á odda 13-12 í steðginum.
Andrea Aagot Hansen var toppskjútti hjá Danmark við seks málum. Toppskjúttar hjá Noregi við fimm málum hvør vóru Kristine Breistøl og Henny Reistad.
Fyrr í dag vunnu Niðurlond í sama bólki 26-22 (14-10) á Slovenia, og Týskland vann stórsigur 36-27 (18-14) á Sveis.
Aftaná tvey umfør hava Niðurlond og Noreg fýra stig hvør. Danmark og Týskland hava tvey stig hvør. Slovenia og Sveis eru aftast við ongum stigi.
Leygardagin er skráin: Sveis-Slovenia (klokkan 14.30), Danmark-Týskland (klokkan 17), og Noreg-Niðurlond (klokkan 19.30).
HER er samandrátturin hjá Eurohandball frá dystinum millum Danmark og Noreg:
##med2##
