Svenska kvinnulandsliðið í hondbólti, ið var í sama EM-undankappingarbólki sum okkara kvinnur fekk seinnapartin í dag eina góða byrjan upp á EM-millumspælið.
Í EM-millumbólki 1 í Debrechen í Ungarn vann Svøríki ein greiðan 33-25 sigur á Póllandi. Pólendingarnir vóru betri við í fyrra hálvleiki, og í steðginum var Svøríki á odda 17-15.
Nathalie Hagman var toppskjútti hjá Svøríki við níggju málum. Monika Kobylinska var toppskjútti hjá Pólandi við seks málum.
Í morgin klokkan 14.30 spælir Svøríki móti Rumenia.
Klokkan 17 byrjaði dysturin í sama bólki millum Frakland og Rumenia, og klokkan 19.30 í kvøld spæla Ungarn og Montenegro.
HER ber til at síggja samandráttin hjá Eurohandball frá dystinum millum Svøríki og Pólland:
##med2##
