Elias Ellefsen á Skipagøtu og liðfelagarnir í THW Kiels spældu í kvøld dyst á útivølli í týsku bundesliguni móti HC Erlangen.
Kiel vann greiðan 37-28 sigur á Erlangen. Í steðginum var Kiel á odda 18-15.
Elias skoraði tvey mál og legði upp til trý mál.
Kiel er triðfremst í deildini við 12 stigum. Teir eru eitt stig aftanfyri liðið hjá Hákuni West av Teigum, og tvey stig aftanfyri oddaliðið, MT Melsungen.
Mánakvøldið klokkan 19.45 tekur Kiel móti kroatiska liðnum, Nexe í dysti í EHF European League.
