Fyrr í kvøld tóku Vilhelm Poulsen og liðfelagarnir í Hannover-Burgdorf móti Jóhan á Plógv Hansen og liðfeløgunum í Flensburg-Handewitt í áttandapartsfinaluni í týsku steypakappingini, DHB Cup.
Flensburg vann ein greiðan 33-26 sigur. Í fyrra hálvleiki leikaði javnt á, og var Flensburg bert á odda 14-13 í steðginum.
Vilhelm fekk tríggjar málmøguleikar, og hann setti allar í netið. Jóhan skoraði upp á tveir av trimum málmøguleikum, og hann var eisini noteraður fyri eitt upplegg (assist).
Í kvøld spæla Elias Ellefsen á Skipagøtu og liðfelagarnir í THW Kiel eisini áttandapartsfinalu. Hon er á heimavølli móti Magdeburg.
