Silja Arngrímsdóttir Müller, ið kappast við Rakul S. Wardum og Anniku F. Petersen at verja føroyska málið roynir seg í toppliðnum, Vali í Íslandi.
Størra partin av tíðin verjir Hafdís Renötudóttir málið hjá Vali, men ígjár slapp Silja upp í part, tá Valur á heimavølli vann stórsigur 34-20 (16-10) á Stjörnuni.
Hafdís Renötudóttir hevði eitt bjargingarprosent upp á heili 56,3%. Silja bjargaði tríggjar av níggju málroyndum, og endaði á 33,3 %.
Valur er greitt oddalið í bestu íslendsku deildini við fullum poti, 14 stigum fyri sjey dystir. Fram er nummar tvey við níggju stigum.
Komandi týskvøld spælir Valur dyst á útivølli móti ÍR.
