SMS: Kyndil vann greiðan sigur á H71

Spenningurin um annað plássið í SMS-deildini, og harvið einum plássi í FM-hálvfinalunum fánaði heilt fitt í kvøld.

Kyndil vann á heimavølli í høllini á Hálsi greiðan 38-29 sigur á H71. Longu í steðginum vóru kyndilskvinnur á odda við 10 málum, 22-12.

Turið Arge Samuelsen var stórskjútti hjá Kyndli við 15 málum. Anna Elisabeth H. Weyhe var toppskjútti hjá H71 við níggju málum.

H71 er við 25 stigum trý stig aftanfyri Neistan á øðrum plássinum nú bert tveir dystir eru eftir at leika í grundspælinum. 

Liðini møtast tó í Hoyvíkshøllini komandi sunnudag klokkan 14, og har kann H71 so fáa spenning í kapprenningina um annað plássið aftur.

HER ber til at síggja dómaraseðilin frá HSF frá dystinum Kyndil-H71 38-29 (22-12):

##med2##