VÍF vann stórsigur á VB í Vestmanna

Ein dystur var leiktur í SMS-deildini seinnapartin í dag.

Í høllini í Vestmanna tók VÍF móti VB. Vestmannakvinnur vunnu stórsigur 47-27. Í steðginum var alt avgjørt. Tá var VÍF á odda 25-12.

Agnas Funn (savnsmyndin) var toppskjútti hjá VÍF við níggju málum. Carmen Luiza Silva var stórskjútti hjá VB og skoraði næstan helvtina av málunum hjá vágskvinnum. Carmen Luiza Silva skoraði heili 13 mál.

Í morgin klokkan 14 møtast Kyndil og Neistin í høllini á Hálsi í Havn. Klokkan 15 møtast EB og H71 í høllini á Eiði, og klokkan 18 byrjar dysturin millum Stjørnuna og StÍF í KÍ-høllini í Klaksvík.

HER er dómaraseðilin hjá HSF frá dystinum í Vestmanna:

##med2##