Tað er í dag klokkan 17, at føroyska manslandsliðið við fyribilsvenjara skal spæla í Nations League móti Armenia í Jerevan. Føroyska liðið hevði fýra venjingar áðrenn fráferð og tvær í Armenia.
Í gjár gitti In.fo, at René Shaki Joensen og Páll A. Klettskarð helst bilvu ov stuttir til liðuppstillingina. Í dag ljóðar tó, at báðir hava vunnið sær pláss frá byrjan. Hallur Hansson var ætlaður at byrja, men fekk ein skaða í tjúkkan týskvøldið.
Á In.fo gittu vit, at Hanus Sørensen fór at vinna plássið á miðjuni við síðuna av Brandi Hendriksson, men nú ljóðar at tað verður René Shaki Joensen. Hanus Sørensen hevur ikki spælt við HB í ein mánað, eftir at skifti til slovenskan fótbólt bleiv veruleiki og tryetin var, at hann ikki kundi spæla í steypafinaluni. Tí verður tað René Shaki Joensen, sum verður á miðjuni.
##med2##
Í álopinum mettu vit, at Meinhard E. Olsen fór at byrja dystin. Hann hevur verið ein profilur á føroyska landsliðnum og væntaðist at byrja sum fremsti maður, tí hann hevur sína styrki í kraftfullum renningum afturum verjuna.
Sambært keldum hjá In.fo, so hevur venjaratoymið valt at byrja Páll A. Klettskarð. Toppskjúttin í føroyskum fótbólti er komin aftur í landsliðshitan og hevur verið avbera skarpur til venjing í seinastuni. Og so hann eisini nakað at prógva og verður tí toppmotiveraður.
Vit gita: (Føroyar 5-4-1)
Teitur M. Gestsson – Jóannes Kalsø Danielsen, Odmar Færø, Gunnar Vatnhamar, Andrias Edmundsson, Viljormur Davidsen – Jóannes Bjartalíð, René Shaki Joensen, Brandur Hendriksson, Adrian Justinussen – Páll A. Klettskarð
##ms##
