Tríggir dystir vóru leiktir í Burn Mansdeildini seinnapartin í dag.
Í Hoyvíkshøllini vann H71 stórsigur 30-20 á Neistanum. Hoyvíkingar vóru á odda 15-12 í steðginum.
Jákup Egholm var við seks málum toppskjútti hjá H71. Toppskjútti hjá Neistanum við fimm málum var Hóri Reginsson.
Í høllini í Kollafirði vann KÍF ein greiðan 32-25 sigur á StÍF. Serliga í fyrra hálvleiki lá væl fyri hjá kollfirðingum, ið vóru á odda 17-10 í steðginum.
Við átta málum hvør vóru Mikkel Vinther og Fríði Weyhe toppskjúttar hjá KÍF. Sofus í Selvindi Nattestad var toppskjútti hjá StÍF.
Teprasti heimasigurin í dag kom i høllini á Hálsi í Havn, har Kyndil vann 25-23 á VÍF. Kyndil var frammanfyri 11-10 í steðginum.
Støðan var javnleikur 23-23 tá fimm minuttir vóru eftir av dystinum. Seinastu løtuna eydnaðist Kyndli at skjóta avgerandi málini.
William Skovsager var toppskjútti hjá Kyndli við niggju málum. Tróndur Johnsson var toppskjútti hjá VÍF við sjey málum.
HER ber til at siggja dómaraseðlarnar og støðuna frá HSF:
##med2##
##med3##
##med4##
##med5##
