Vilhelm Poulsen og liðfelagarnir í Hannover-Burgdorf spældu í kvøld dyst á útivølli í týsku bundesliguni móti Hamburg.
Hannover hevði sigurin í pottinum, men í næstseinasta sekundinum javnaði Hamburg til støðuna 32-32. Sostatt mátti Hannover taka til takkar við einum stigi. Í steðginum var støðan javnleikur 15-15.
Hannover er næstfremst í bundesliguni við 13 stigum. Melsungen er fremst í deildini við 14 stigum.
Vilhelm fekk ein málmøguleika, og hann setti hann í netið. Vilhelm sum tók nøkur tøk í verjuni fekk eina útvísing í dystinum.
##med2##
