Hesum boðar Teitur Samuelsen, formaður í Bústøðum, frá í morgun.
Jógvan er 38 ára gamal, útbúgvin Cand Tech., byggifrøðingur og húsasmiður. Jógvan starvast í løtuni sum tekniskur stjóri hjá Klaksvíkar Kommunu og áðrenn tað, var hann tekniskur stjóri hjá Eystur Kommunu. Jógvan byrjar í starvinum hjá Bústøðum seinast 1. oktober.
Um Bústaðir:
Bústaðir hevur til endamáls at stimbra bústaðarpolitikk landsins við at fremja bústaðarbygging í Føroyum. Bústaðir er ein týðandi partur av menningini á føroyska bústaðarmarknaðinum, og arbeitt verður miðvíst við verkætlanum, sum kunnu økja um talið av bústøðum í landinum.
Uppum 500 íbúðir kring landið
Fyrsta dagin kemur tal á íbúðum, sum Bústaðir bjóðar kring landið, uppum 500.
Nýggju byggiverkætlanir við ársbyrjan
Við ársbyrjan í 2024 vóru nýggju byggiverkætlanir í gongd, við 179 nýggjum bústaðareindum.
39 íbúðir higartil í 2024
Tríggjar byggiverkætlanir við 39 íbúðum eru liðugt bygdar og útleigaðar higartil í 2024; sjey í Streymnesi og 32 í Havn.
54 íbúðir afturat í 2024
Í 2024 verða tríggjar byggiverkætlanir lidnar afturat við 54 íbúðum; harav 35 íbúðir Havn og 19 íbúðir í Fuglafirði.
Í 2025 verða 86 bústaðareindir lidnar á Toftum, Klaksvík og í Havn.
