Kina sigur seg vera til reiðar at samstarva við londini, sum eru rakt av kaðalslitinum í Eystursjónum, eftir at tveir botnkaðlar herfyri gjørdust óvirknir.
Tað sigur kinesiska uttanríkisráðið sambært svenska, Aftonbladet.
Svenska og finska løgreglan hava sett í verk kanningararbeiði í samband við kaðalslitini.
Tann eini kaðalin, sum gongur millum Finnland og Týskland, fór í svenskum búskaparligum øki, sunnafyri Øland. Hin fór millum Svøríki og Litava.
- Vit eru til reiðar at samstarva við viðkomandi lond fyri at finna út av sannleikanum, og í løtuni eru Kina og Svøríki í samskifti um hetta.
Tað sigur Mao Ning, sum er talsfólk fyri kinesiska uttanríkisráðið.
Kinesiska skipið, Yi Peng 3, sum hildið verður var orsøkin til kaðalslitini, hevur ligið í Kattegat síðan hendingina, tá kaðlarnir í Eystursjónum gjørdust óvirknir.
##med2##
