Maria P. Nólsoy og liðfelagarnir í Horsens eru nú eitt stig frá áttanda plássinum, ið gevur atgongd til endaspælið aftaná lokið grundspæl í bestu donsku hondbóltsdeildini.
Í kvøld vann Horsens á heimavølli í Forum í Horsens ein flottan 33-28 sigur á liðnum hjá Pernille Brandenborg, Keypmannahavn. Í steðginum var Horsens greitt á odda 17-11.
Maria skoraði fimm mál og legði upp til fimm mál (assist). Pernille skoraði upp á tann eina málmøguleikan hon fekk, og hon vann liðnum hjá sær tvey brotskøst.
Støðan:
| Nr. | Lið: | Dystir: | Stig |
| 1 | Odense | 14 | 28 |
| 2 | Team Esbjerg | 14 | 26 |
| 3 | Ikast-Herning | 14 | 24 |
| 4 | Nykøbing Falster | 14 | 19 |
| 5 | Keypmannahavn | 14 | 18 |
| 6 | Viborg HK | 14 | 18 |
| 7 | SønderjyskE | 14 | 14 |
| 8 | Silkeborg-Voel | 14 | 9 |
| 9 | Skanderborg | 14 | 9 |
| 10 | Horsens | 14 | 8 |
| 11 | Aarhus United | 14 | 7 |
| 12 | EH Aalborg | 14 | 6 |
| 13 | Bjerringbro | 14 | 5 |
| 14 | Ringkøbing | 14 | 5 |
