Marita Mortensen og liðfelagarnir í HØJ eru greitt oddalið í næstbestu donsku hondbóltsdeildini.
HØJ vann á heimavølli í Ølstykke 37-31 á Rødovre. Rødovre gav heimaliðnum ein skarpan gang í fyrra hálvleiki, og í steðginum var støðan javnleikur 16-16. Í seinna hálvleiki megnaði HØJ tó at fáa tamarhald á dystinum.
Marita skoraði tvey mál í kvøld.
HØJ hevur á fyrsta plássinum 23 stig fyri 12 dystir. Roskilde er næstfremst við 17 stigum.
