Tú kanst ikki siga, at tað er ein almennur trupulleiki við rasismu í Danmark.
Tað sigur Mette Frederiksen, forsætisráðfrú, eftir at Donald Trump Jr., sonur komandi amerikanska forsetan, Donald Trump, fyri nøkrum døgum síðani átalaði danir fyri at vera rasistiskir mótvegis grønlendingum.
- Nøkur av hesum ungu siga við okkum dagliga, at "tá vit fara til Danmarkar, verða vit viðfarin sum annan og triðja klassa borgarar. Tey (danir, red.) siga, at vit skulu fara heim".
- Tað tykist at vera nógv rasisma har, sigur Trump Jr. til Fox Tíðindi.
Atfinningarnar at dønum minkaði, eftir at hann týsdagin var á skjótari vitjan í Nuuk í Grønlandi og tosaði við grønlendingar.
- Eg haldi ikki, at tú kanst siga, at danir generelt eru rasistar. - Eg vil í øllum førum frábiða mær at vera tað sjálv, og tað haldi eg er galdandi fyri nógv teir flestu danir, segði Mette Frederiksen, tá hon fjølmiðlar hittu hana vit eitt »doorstep« uttan fyri Forsætismálaráðið í morgun.
- Merkir tað, at tað ikki eru trupulleikar við rasismu? Nei, tað er tað. Og hetta hava vit umrøtt bæði við Naalakkersuisut (grønlendsku stjórnina, ritstj.) og við norðuratlantisku fólkatingsumboðini.
Mette Frederiksen ásannar, at tað eru grønlendingar, sum uppliva rasismu í Danmark, til dømis tá teir koma til Danmarkar at ganga í skúla ella byrja eina aðra útbúgving.
- Her búgva grønlendingar, sum uppliva, at tað verður tosað óhøviskt við tey á gøtuni ella í øðrum høpi. Og eins og øll onnur rasisma og mismunur, so er tað óhóskandi.
- Tí arbeiða vit við eini virkisætlan móti rasismu, ella tað er í øllum førum ein av orsøkunum. Men eg haldi ikki, at tað rímiliga kann umsetast til, at danir eru, sum heild, rasistar, segði hon.
Mette Frederiksen er vís í, at útsøgnirnar frá soninum hjá komandi amerikanska forsetanum ikki fara at ávirka dansk-amerikanska samstarvið.
- Tað fer onga ávirkan at hava á okkara samband við USA, at tey orðini eru søgd. Og tað fer heldur ikki at definera okkara samband, segði Mette Frederiksen hósdagin.
/Ritzau/
