Norska kvinnulandsliðið í hondbólti hevur vunnið seg í enn eina hálvfinalu í einum endaspæli.
Í EM-millumbólki 2 í Wien í Eysturríki vann Noreg 32-27 (19-13) á Týsklandi. Henny Reistad var toppskjútti hjá Noregi við níggju málum.
Fyrr í dag vunnu Niðurlond 37-29 (24-17) á Sveis.
Noreg er fremst í millumbólkinum við átta stigum. Noreg hevur vunnið á bæði Danmark og Niðurlondum, og tí vinnur Noreg millumbólk 2. Niðurlond hava seks stig, Danmark hevur fýra stig, og Slovenia og Týskland hava tvey stig hvør. Sveis er aftast í millumbólkinum við ongum stigi.
Danmark og Slovenia spæla í kvøld klokkan 19.30.
HER ber til at síggja samandráttin hjá Eurohandball frá norska sigrinum á Týsklandi:
##med2##
