Kensluborin hátíðarhald eru um alt Asia hósmorgunin fyri at minnast ofrini fyri
deyðiligu flóðaldurini, sum rakti tvørtur um Indiska Havið Boxing Day 2004.
Tsunami rakti millum onnur lond Indonesia og Thailand, og drap fleiri enn 226.000 fólk. Tað verður mett at vera ein tann ringasta náttúruvanlukkan í mannasøguni.
Harðast rakt var Indonesia, har 160.000 fólk doyðu.
Í morgun ljóðaði ein ávaringarlúður í bygdini Banda Aceh. Í tríggjar minuttir mintist hon tey yvir 100.000 ofrini, sum tsunamiin kravdi í økinum í 2004.
Ein 54 ára gamal lærari, sum eitur Hasnawati, stendur við indonesisku moskuna, sum eisini fekk skaða av tsunami.
- Eg helt, at tað var dómadagur. Ein sunnumorgun, meðan øll mín familja sat og flenti saman, rakti ein vanlukka knappliga okkum og alt var burtur. - Eg dugi ikki at lýsa tað við orðum, sigur Hasnawat.
##med2##
70 ára gamli fiskimaðurin Baharuddin Zainun yvirlivdi flóðalduna, men:
- Børn míni, kona mín, pápi mín, mamma mín og øll míni systkin vórðu skolað burtur. Onnur upplivdu sama sorgarleik. Vit kenna somu kenslur, sigur hann.
46 danir doyðu undir tsunaminum, 44 av teimum í Teilandi.
Umleið 2.500 av teimum meira enn 8.000 deyðu í landinum vóru útlendsk ferðafólk, sum hildu jól í heitari veðurlag.
Sambært donsku sendistovuni í Bangkok halda tailendsku myndugleikarnir eitt minningarhald fyri teimum, sum doyðu í Phang Nga-landslutinum. Her verður danska sendistovan umboðað.
Í Ban Nam Khem lgdu avvarðandi við tárum í eygum blómur og kransar við bygdaminnisvarðan í morgun lokala tíð: ein bogaður veggur í sama formi sum ein tsunami-alda við nøvnunum á ofrunum á.
55 ára gamla Napaporn Pakawan misti eldru systur sína og systkinabarnið í sorgarleikinum.
##med3##
- Eg kenni enn ræðsluna. Eg komi higar á hvørjum ári. Tíðin flýgur, men tíðin gongur spakuliga í okkara hugaheimi, sigur hon.
Í Sri Lanka doyðu yvir 35.000. Umleið 1.000 fólk doyðu, tá tsunami rakti eitt skundtog, sum fór til Peraliya úr høvuðsstaðnum Colombo. Hátíðarhaldið er beint her, har tú kanst fara í tokið og ferðast somu leið.
Flóðaldan kom orsakað av einum ógvusligum jarðskjálvta upp á 9,1 á vestursíðuni í Indonesia. Jarðskjálvtin elvdi til fleiri stórar aldur, sum raktu strendurnar í 14 londum frá Indonesia í eystri til Somalia í vestri.
Ritzau/AFP
