Ein dystur er í kvøld leiktur í bólki 2 í Faxe Kondi kappingini hjá monnum.
Í Hoyvíkshøllini tók H71 móti Kyndli. Tað eydnaðist hoyvíkingum at vinna dystin 27-22. Í steðginum var heimaliðið á odda 13-12.
Tá 41 minuttir vóru leiktir av dystinum var støðan javnleikur 16-16. Fýra minuttir seinni var H71 á odda 19-16, og eftir tað var H71 á odda restina av dystinum.
Rókur Ziskason var toppskjútti hjá H71 við 10 málum. Toppskjúttar hjá Kyndli við fimm málum hvør vóru William Skovsager og Tobias Thisen.
Í sama bólki tekur StÍF í morgin klokkan 16 móti Team Klaksvík í høllini á Skála.
HER ber til at síggja dómaraseðilin hjá HSF frá dystinum í Hoyvíkshøllini:
##med2##
