Sambært Reuters eru seks libanesiskir heilsuarbeiðarar deyðir og fýra eru løstaðir í einum ísraelskum álopi har suðuri í Libanon í dag.
Á hinari síðuni eru fimm fólk deyð har norðuri í Ísrael í einum rakettálopi á bygdina, Metula.
Ísraelsku tíðindamiðlarnir, Haaretz og Times of Israel, vita at siga, at talan var um rakettir, sendar úr Libanon, sum raktu eitt landbúnaðarøki.
- Ein av teimum, sum læt lív, var ísraeli. Hini vóru útlendskir ríkisborgarar, veit ísraelska sjónvarpsrásin, Channel 12, at siga í dag.
