Tað sæst í fráboðan frá leiðarunum í londunum fríggjakvøldið, skrivar Reuters.
Tær 50 milliardirnar svara til stívliga 346 milliardir danskar krónur.
Í G7-bólkinum eru Kanada, ES, Frakland, Italia, Japan, Bretland, Týskland og USA.
Milliardlánið verður veitt umvegis inntøkur frá frystum russiskum ognum.
Meira enn tveir triðingar av russisku peningunum, sum Vesturheimurin hevur fastfryst, eru í teimum 27 limalondunum í ES.
Endamálið er, at fyrsta gjaldið skal rindast til Ukraina 1. desember í ár. Alt lánið skal rindast til Ukraina við árslok 2027.
/Ritzau/
