Annað av tveimum ísfiskalínuskipum er í løtuni til fiskiskap. Skipið er norðanfyri og fær mest av hýsu og toski.
- Ísfiskalínuskipið kemur inn at landa í hesi vikuni.
Á Fiskamarknaði Føroya vita tey at siga, at fýra frystilínuskip fiska undir Føroyum, eitt er á Íslandsrygginum, tvey í Grønlandi, og eitt hevur verið á Flemish Kap.
- Skipini fáa eina blanding av toski, longu og brosmu og so nakað av svartkalva og blálongu.
Lagt verður aftrat, at fleiri frystilínuskip koma inn at landa í vikuni.
- Streymurin er brúkiligur til útróður, men harðnar, sum vikan gongur. Veðurvánirnar eru vánaligar, so vit vænta ikki nógvan útróður.
