Higartil í ár – sum er fyrra hálvár – eru seld 1201 nýtt akfar í Føroyum í mun til 1319 sama tíðarskeið í fjør. Tað er ein afturgongd upp á 9 prosent.
Um vit taka juni mánað burturav, so vórðu seld 185 nýggj akfør, sum er ein munandi afturgongd í mun til sama mánað í fjør, tí tá vórðu seld 265 nýggj akfør. Ta er ein afturgongd upp á heili 43 prosent.
Sølan av persónbilum er minkað eins nógv. Fyrra hálvár í ár eru seldir 919 nýggir persónbilar í mun til 1006 sama tíðarskeið í fjør. Tað er ein afturgongd upp á 8,7 prosent.
Taka vit aftur bara juni, so er afturgongdin eisini stór. Í juni í ár vórðu seldir 122 nýggir persónbilar í mun til 200 sama mánað í fjør. Tað er ein afturgongd upp á 78 bilar ella ein afturgongd upp á 40 prosent.
##med2##
