Sveis sum føroysku hondbóltskvinnurnar møta í søguliga fyrsta endaspælsdystinum í Basel komandi fríggjadag klokkan 17, spældi aftur í dag venjingardyst móti Íslandi.
Fyrradagin vann Sveis tepurt 30-29 (18-16) á Íslandi.
Í dag vann Sveis aftur á Íslandi í Schaffenhausen við tí minsta marginalinum. Sveis vann í dag 29-28 á Íslandi. Ísland var annars á odda 12-9 í steðginum.
Langabbadóttir legendariska bakaran, Andreas í Køkubúðini, Andrea Jacobsen - sum eitur eftir langabba sínum - gekk undan og vísti sínum fjórðings landskvinnum í Føroyum hvussu ein skal skjóta mál ímóti Sveis. Andrea Jacobsen var greiður toppskjútti hjá Íslandi í dag við níggju málum.
Okkara taptu 23-28 (12-11) og 20-24 (8-12) fyri Íslandi, har føroysku leikararnir brendu nógvar málmøguleikar. Leikliga kendist tað ikki at vera stórur munur á liðunum.
Sveis sum tekur móti okkara kvinnum komandi fríggjadag klokkan 17 í Sankt Jakobshøllini í Basel hevur nú vunnið fimm dystir á rað undan EM-endaspælinum.
