Danmark spælir EM-hálvfinalu móti Fraklandi fríggjadagin, og í hinari hálvfinaluni hittast Noreg og Ungarn.
Í EM-millumbólki 2 í Wien í Eysturríki vann Danmark 30-26 á Niðurlondum í avgerandi dystinum um annað plássið í bólkinum. Danmark var á odda 15-13 í steðginum, og eitt skiftið var Danmark á odda 29-23 áðrenn Niðurlond fingu pyntað um støðuna.
Anne Mette Hansen var toppskjútti hjá Danmark við sjey málum. Dione Housheer var toppskjútti hjá Niðurlondum við 10 málum. Anna Kristensen í danska málinum bjargaði 15 av 40 málroyndum, og átti góðan lut í danska sigrinum.
Fyrr í dag vann Týskland í sama millumbólki 35-16 (17-11) á Slovenia. Klokkan 19.30 spæla bólkavinnararnir, Noreg móti Sveis.
Noreg og Danmark hava átta stig hvør. Niðurlond hava seks stig, Týskland fýra stig, Slovenia tvey stig, og Sveis er aftast við ongum stigi.
HER ber til at siggja samandráttin hjá Eurohandball frá dystinum Danmark-Niðurlond 30-26 (15-13):
##med2##
