Elias Ellefsen á Skipagøtu og liðfelagarnir í THW Kiel tóku í kvøld móti ungarska liðnum, Szeged í innleiðandi bólki B í Champions League.
THW Kiel vann dystin 35-32. Í steðginum var Kiel á odda 16-15. Kiel var á odda 32-26, men seinastu løtuna megnaði Szeged at pynta um úrslitið.
Elias skoraði fýra mál í kvøld, umframt at leggja upp til mál hjá øðrum.
THW Kiel er fremst í bólki B saman við Aalborg. Liðini hava fýra stig hvør.
Tað er tætt millum dystirnar í Champions League. Heili 14 innleiðandi dystir skulu spælast, og komandi mikukvøld vera Elias og liðfelagarnir staddir í Norðurmakedonia fyri at spæla dyst móti Eurofarm Pellister.
