Í minsta lagi fýra fólk eru deyð, eftir at herviligt ódnarveður hevur herjað í syðra parti av USA um vikuskiftið.
ABC News veit at siga, at fleiri melduródnir hava reikað í teimum seks suðurstatunum, Arkansas, Georgia, Louisiana, Mississippi, North Caroline og Texas.
Í minsta lagi tvey av deyðsføllunum hava verið í Mississippi, váttar guvernørurin, Tate Reeves.
Hann leggur aftrat, at fleiri íbúgvar hava fingið løstir í illveðrinum, og eitt skifti høvdu umleið 100.000 íbúgvar ongan streym.
ABC News veit at siga, at í minsta lagi sjey melduródnir raktu syðru statirnar í USA leygardagin og sunnudagin.
