Í kvøld leiktu landsliðsleikarin, Pernille Brandenborg og liðfelagar hennara í Keypmannahavn fjórðingsfinalu í donsku steypakappingini, ið eisini er kend undir navninum Santander Cup.
Keypmannahavn hevði torføran útidyst móti Odense, ið var risastórur favorittar hjá veddingarfyritøkunum.
Odense vann eisini ein greiðan 35-25 sigur. Í fyrra hálvleiki var Keypmannahavn væl við, og í steðginum var Odense bert á odda 15-13. Í seinna hálvleiki sýndist tó munurin.
Pernille skoraði eitt mál upp á tríggjar málroyndir, og vann liðnum eitt brotskast.
Í annaðkvøld klokkan 19.30 spæla Jana Mittún og liðfelagar hennara í Viborg fjórðingsfinalu í steypakappingini á útivølli móti Silkeborg-Voel. Viborg er favorittur hjá veddingarfyritøkunum.
